ՙԷյ-Ի-Ջի Սերվիս՚ ՍՊԸ` գազասպառման համակարգերի տեխնիկական սպասարկում Ընկերության առաքելությունը գազասպառման համակարգերի տեխնիկական սպասարկումն է, որն իրականացվում է ՙՀայՌուսգազարդ՚ ՓԲԸ-ի հետ 02.07.2007թ-ին կնքած ՙՀանձնարարության պայմանագրով՚: Ընկերությունն իրականացնում է կենցաղային կարիքների համար բնական գազ սպառող բնակիչների, ինչպես նաև բազմաբնակարան շենքերում գործող բաժանորդ-կազմակերպությունների և կենցաղային սպասարկում ունեցող բաժանորդ-կազմակերպությունների գազասպառման համակարգերի, այդ թվում` ծխաօդատար ուղիների տեխնիկական սպասարկման աշխատանքներ: Ընկերության գործունեության հիմնական նպատակը ՀՀ ողջ տարածքում գազասպառման կենցաղային համակարգերի որակյալ և ժամանակին սպասարկումն է, ի նպաստ դրանց շահագործման անվտանգության բարձրացման: ՙԷյ-Ի-Ջի Սերվիս՚ ՍՊԸ փականագործը տարին առնվազն երկու անգամ պարտավոր է այցելել բաժանորդին և ստուգել գազօգտագործման ողջ համակարգի վիճակը: Ընկերությունն իրականացնում է շուրջ 600000 բաժանորդների ներտնային գազասպառման համակարգերի, ինչպես նաև կենցաղային և ոչ կենցաղային գազասպառում ունեցող օբյեկտների (ավելի քան 6500 կազմակերպություն) գազասպառման համակարգերի սպասարկում: Ընկերության հիմնական գործունեության ուղղություններից է նաև իրավաբանական անձանց գազասպառման համակարգերի տեխնիկական սպասարկումը` կազմակերպությունների հետ կնքած պայմանագրերի հիման վրա: Իր առաքելությունից զատ, ընկերությունն իրականացնում է նաև այլ` ոչ հիմնական գործունեություն: Ոչ հիմնական գործունեության տեսակներն են. 1. կենցաղային գազասպառման համակարգերի, սարքավորումների, դրանց հավաքակցման հանգույցների և դետալների ներկրումն ու իրացումը, 2. կոմերցիոն նպատակով այլ ապրանքների ներկրումն ու իրացումը, 3. որպես ապահովագրական գործակալ ապահովագրական պայմանագրերի կնքումը, 4. նախագծային և շինարարական աշխատանքների իրականացումը:
Ընկերությունը կարևորվում է գազասպառող բաժանորդների բնակարաններում անվտանգության ազդանշանային սարքերի և անջատիչ կափույրների տեղադրումը: ործընթացը սկսվել է 2008 թ. դեկտեմբերին և ղեկավարվում է ՙՀայռուսգազարդ՚ ՓԲԸ կողմից: 2009 թ. նոյեմբերի դրությամբ տեղադրվել է 212748-ը: ործընթացը շարունակական է և ներառելու է գազասպառող բոլոր բաժանորդների բնակարանները: Նպատակն է? գազազգայուն այս սարքավորումների տեղադրման միջոցով հնարավորինս նվազեցնել բնակելի շենքերում և գազասպառող այլ օբյեկտներում տեխնածին աղետների քանակը: Տեխնիկական սպասարկման արդյունքում գազասպառման համակարգում հայտնաբերված ցանկացած թերության դեպքում ընկերության աշխատակցի կողմից տեղում կազմվում է համապատասխան արձանագրություն և բաժանորդին հնարավորություն է տրվում վերացնել թերությունը արձանագրությամբ սահմանված ժամկետում: ՙԷյ-Ի-Ջի Սերվիս՚ ընկերությունը 2009-2010 թթ. ձմեռային սեզոնին դժբախտ պատահարներից խուսափելու նպատակով գազասպառող բաժանորդներին կոչ է անում զգոն լինել գազասպառման համակարգերը շահագործելիս:
Քվեարկություն
Վերադառնալ
388
390
